Azərbaycan, Bakı, 15 noyabr /Trend, müxbir İlkin İzzət/
Bakıda avtomobillə motosikletin toqquşması nəticəsində bir nəfər ölüb, bir nəfər yaralanıb.
Bakı Şəhər Baş Polis İdarəsinin mətbuat xidmətindən Trend-ə verilən məlumata görə, noyabrın 14-də saat 19:00 radələrində Sabunçu qəsəbəsi, B.Bünyadzadə küçəsində Bakı şəhər sakinləri - 1974-cü il təvəllüdlü Mansur Surxayevin idarə etdiyi "Mercedes" markalı avtomobillə 1993-cü il təvəllüdlü Meysən Əlizadənin idarə etdiyi "Zontes" markalı motosiklet toqquşub. Nəticədə M.Əlizadə və sərnişini - qardaşı, 1995-ci təvəllüdlü Ülvi Əlizadə xəsarətlə xəstəxanaya daxil olub, M.Əlizadə xəstəxanada ölüb.