...

Bakıda çay evi adı altında qumarxana işlədən şəxslər tutulub (FOTO)

Hadisə Materials 24 Noyabr 2014 13:34 (UTC +04:00)
Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsinin əməkdaşları tərəfindən paytaxtda qanunsuz qumarxana fəaliyyətinin qarşısını alınıb.
Bakıda çay evi adı altında qumarxana işlədən şəxslər tutulub (FOTO)

Azərbaycan, Bakı, 24 noyabr /Trend, müxbir İlkin İzzət/

Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsinin əməkdaşları tərəfindən paytaxtda qanunsuz qumarxana fəaliyyətinin qarşısını alınıb.

DİN-dən Trend-ə verilən məlumata görə, Səbayel rayonu Bülbül prospektində yerləşən "Bikkers Club" çay evində keçirilmiş əməliyyat axtarış tədbirləri nəticəsində "poker" kart qumar oyunları təşkil etməkdə və oynamaqda təqsirli bilinən şəxslər saxlanılaraq məsuliyyətə cəlb olunublar.

Obyektə baxış zamanı bu oyunlar üçün istifadə olunan kart dəstələri və qumara qoyulmuş külli miqdarda pul aşkar olunaraq maddi sübut kimi götürülüb. Araşdırmalar zamanı müəyyən edilib ki, Göyçay rayonunda anadan olmuş, 23 yaşlı İsmayıl Musayev Sabirabad rayon sakini, 24 yaşlı Nicat Məmmədovla əlbir olaraq kirayəyə götürdükləri obyektdə bir neçə aydır ki, qumarxana təşkil ediblər. Gündüzlər çay evi kimi fəaliyyət göstərən obyektdə gecə saat 2-dən sonra səhərə qədər qumar oyunları keçirilib.

Faktla bağlı DİN BMCMİ-nin istintaq şöbəsində cinayət işi başlanıb, istintaq araşdırmaları aparılır.

Məqalədə:
Xəbər lenti

Xəbər lenti