...

İstanbulda prokuroru girov götürdülər (ƏLAVƏ OLUNUB)

Hadisə Materials 31 Mart 2015 16:20 (UTC +04:00)
Naməlum silahlı şəxslər İstanbul prokurorluğunun binasında prokuroru girov götürüblər.
İstanbulda prokuroru girov götürdülər (ƏLAVƏ OLUNUB)

Azərbaycan, Bakı, 31 mart /Trend, müxbir Rufiz Hafizoğlu/

Naməlum silahlı şəxslər İstanbul prokurorluğunun binasında prokuroru girov götürüblər.

Trend-in "TRT Haber" telekanalına istinadən verdiyi məlumata görə, hazırda jandarmeriya qüvvələri prokurorluq binasının ətrafındadırlar.

Telekanalın məlumatına əsasən, girov götürülmüş prokuror Səlim Kiraz ötən il martın 11-də Türkiyədə kütləvi etiraz aksiyaları zamanı qətlə yetirilmiş Berkin Əlvanın ölümü ilə bağlı işi aparıb.

İlkin məlumata görə, prokuroru girov götürən şəxslər qeyri-qanuni solçu qruplaşmanın üzvləridir.

Hazırda girovun azad edilməsi üçün danışıqlar aparılır. Prokurorluq işçiləri binadan təxliyə olunur.

Məqalədə:
Xəbər lenti

Xəbər lenti