Bakı. Trend:
Bakı-Qazax yolunda yol qəzası olub.
Trend Fövqəladə Hallar Nazirliyinin (FHN) saytına istinadən xəbər verir ki, nazirliyin Böhran Vəziyyətlərində İdarəetmə Mərkəzinə Bakı-Qazax yolunun 134-cü kilometrliyində, Şamaxı rayonu ərazisində "Mercedes" markalı yük avtomobilinin idarəetməni itirərək aşması nəticəsində yol-nəqliyyat hadisəsinin baş verməsi barədə məlumat daxil olub.
Nəticədə avtomobildə olan 2 nəfər sərnişin xəsarət alıb və deformasiyaya uğramış avtomobildə sıxılmış vəziyyətdə qalıb.
FHN-in yanğınsöndürən-xilasediciləri hadisə yerinə cəlb olunaraq vətəndaşları avtomobildən çıxarıb və aidiyyəti üzrə təhvil veriblər.