Təfərrüatlar əlavə olunub (ilk xəbər saat 16:46-da yayılıb)
Bakı. Trend:
Bakıda binada yanğın baş verib.
Trend Fövqəladə Hallar Nazirliyinin (FHN) saytına istinadən xəbər verir ki, Bakı şəhəri, Xətai rayonunda vətəndaşa məxsus ümumi sahəsi 2520 kv.m. olan 6 mərtəbəli binanın damının yanar konstruksiyaları 260 kv.m, 6-cı mərtəbənin tavanı 160 kv.m, 5-ci mərtəbənin tavanı 4 kv.m və 4-cü mərtəbənin tavanı 4 kv.m sahədə yanıb.
Binanın qalan hissəsi yanğından mühafizə olunub. Yanğın saat 17:35-də yanğınsöndürənlər tərəfindən söndürülüb.