Bakı. Trend:
Gəncədə dönərxana yanıb.
Trend Kəpəz TV-yə (Region TV) istinadən xəbər verir ki, hadisə səhər saatlarında şəhərin Nizami prospektində ümumi sahəsi 150 kv.m olan ikimərtəbəli tikilinin 1-ci mərtəbəsində olan dönərxanada baş verib.
Yanğın zamanı dönərxanada olan 4 ədəd soyuducu, eləcə də tavanın 1 kv.m hissəsi yanıb.
Hadisə yerinə gələn yanğınsöndürənlər alovun ətraf ərazilərə keçməsinin qarşısını alıb.
Yanğının hansı səbəbdən baş verdiyi araşdırılır.