Təfərrüatlar əlavə olunub (ilk xəbər saat 17:08-də yayımlanıb)
Bakı. Trend:
Bu gün dənizdə batan 2 nəfərdən birinin meyiti tapılıb.
Fövqəladə Hallar Nazirliyindən (FHN) Trend-ə verilən məlumata görə, Bakı şəhəri, Suraxanı rayonunda bu gün dənizdə çimərkən batmış 2 nəfərdən birinin - 1996-cı il təvəllüdlü Rəhimov Hüseyn Fərhad oğlunun meyiti bu gün saat 18:04-də batdığı yerdən 100-150 metr aralıdan FHN-in KGN və SXDX-nın dalğıc-xilasediciləri tərəfindən tapılaraq sudan çıxarılıb və aidiyyəti üzrə təhvil verilib. Digər bir nəfərin axtarışı davam etdirilir. Əlavə məlumat veriləcək.
x x x
Dənizdə bu gün 2 nəfər batıb.
Fövqəladə Hallar Nazirliyindən (FHN) Trend-ə verilən məlumata görə, Nazirliyin Böhran Vəziyyətlərində İdarəetmə Mərkəzinə Bakı şəhəri, Suraxanı rayonunda dənizdə 2 nəfərin batması barədə məlumat daxil olub.
Dərhal FHN-nin KGN və SXDX-nın dalğıc-xilasediciləri hadisə yerinə cəlb olunaraq axtarışlara başlayıblar.
Əlavə məlumat veriləcək.