Bakı. Trend:
ABŞ-ın Detroyt şəhəri yaxınlığında meteorit düşüb.
Trend-in məlumatına görə, meteoritin düşmə faktını ABŞ-ın Geologiya Xidməti təsdiqləyib.
Qeyd olunur ki, meteorit Nyu-Heyven qəsəbəsindən 8 kilometr məsafədə düşüb. Hadisə nəticəsində 2 bal gücündə zəlzələ də qeydə alınıb.
Hər hansı bir fəsad və ya itkilər barədə məlumat verilməyib.
Meteoritin düşmə anının görüntüləri sosial şəbəkədə yayılıb.