Təfərrüatlar əlavə olunub (ilk xəbər saat 09:46-də yayılıb)
Bakı. Trend:
İranın mərkəzi hissəsində baş vermiş güclü zəlzələ nəticəsində xəsarət alanların sayı 76-ya çatıb. Trend-in məlumatına görə, onlardan bəzilərinə yerindəcə tibbi yardım göstərilib.
Məlumatlara görə, infrastruktur və elektrik təsərrüfatına ciddi maddi ziyan dəyib.
X X X
11:58
İranın mərkəzi hissəsində baş vermiş güclü zəlzələ nəticəsində ən azı 30 nəfər xəsarət alıb.
Bu barədə Trend Press TV-yə istinadən məlumat verir.
X X X
09:46
İranın cənub-qərbində - Kohgiluyə və Buyer Əhməd vilayətinin Sisəxt şəhərində 5,3 bal gücündə zəlzələ olub.
Trend-in məlumatına görə, zəlzələ İran vaxtı ilə 8.38-də qeydə alınıb.
Yerin 8 km dərinliyində baş verən zəlzələ nəticəsində bəzi yerlərdə elektrik verilişi dayanıb, binalarda çatlar əmələ gəlib.
İnsan tələfatı ilə bağlı isə hələ məlumat yoxdur.