Bakı. Rufiz Hafizoğlu - Trend:
İstanbulun Asiya hissəsində, Beykoz rayonunda meşə sahəsində yanğın başlayıb.
Trend-in məlumatına görə, əraziyə yanğınsöndürmə briqadaları və iki vertolyot cəlb olunub.
Hazırda yanğının yayılmasının qarşısı alınıb.
Hadisənin səbəbi hələ açıqlanmır.
Qeyd edək ki, bundan əvvəl - iyulun 3-də də İstanbul ətrafında meşə zolağında yanğın olmuşdu.
Türkiyə ərazisinin 27,6 faizini meşə sahəsi təşkil edir.