Bakı. Tural Turan - Trend:
Kamçatka sahillərində 6.5 bal gücündə zəlzələ qeydə alınıb.
Trend-in məlumatına görə, hadisə bu gün yerli vaxtla səhər saatlarında baş verib. Zəlzələnin episentri 78 km Ust-Kamçatsk qəsəbəsindən cənubda, ocağı isə 76.2 km dərinlikdə yerləşib.
Zəlzələ nəticəsində xəsarət alanlar və dağıntılar barədə məlumat verilməyib. Sunami təhlükəsi elan edilməyib.