Bakı. Trend:
Panamada 6,1 bal gücündə zəlzələ baş verib. Trend-in məlumatına görə, təkanlar nəticəsində 5 nəfər xəsarət alıb.
Xəsarət alanlar arasında iki 7 yaşlı, bir 8 yaşlı uşağın olduğu bildirilir.
Zəlzələ nəticəsində bəzi rayonlarda dağıntıların olduğu da bildirilir.
Qeyd edək ki, ABŞ Geoloji Xidmətinə istinadən verdiyi məlumata görə, "UTC" vaxtı ilə saat 19:24-də qeydə alınan yeraltı təkanların episentri David şəhərindən 47,3 kilometr cənub-şərqdə, ocağı isə 37,3 kilometr dərinlikdə yerləşib.