Bakı. Trend:
İtaliyanın Milan şəhərində aprelin 25-də yağan güclü yağışlar şəhərin şimal və şimal-qərbində yerləşən bir sıra məhəllələrin su altında qalmasına səbəb olub.
Trend yerli KİV-ə istinadla xəbər verir ki, hazırda ekspertlər Seveso və Lambro çaylarında suyun səviyyəsini izləyirlər.
İtaliyanın Lombardiya bölgəsinin hökumətinin təhlükəsizlik məsələləri üzrə müşaviri Marko Qranelli sosial şəbəkədə yazıb ki, Sevesoda suyun səviyyəsi yüksək olub, lakin hazırda artıq aşağı düşür.
Müvafiq xidmət əməkdaşları fəlakətin nəticələrinin aradan qaldırılması ilə məşğuldur.
Daşqından zərər çəkənlər barədə məlumat verilmir.