Bakı. Trend:
Bakıda bağ evindən külli miqdarda oğurluq edilib.
Daxili İşlər Nazirliyindən Trend-ə verilən məlumata görə,
dekabrın 6-na keçən gecə Xəzər rayonunun Şüvəlan qəsəbəsindəki
evlərin birindən 15.000 manat dəyərində qızıl-zinət əşyalarının
qeyri-aşkar şəraitdə oğurlanması barədə polisə məlumat daxil
olub.
Xəzər RPİ 1-ci Polis Şöbəsi əməkdaşlarının keçirdikləri əməliyyat
tədbirləri nəticəsində oğurluq əməlində şübhəli bilinən Bakı şəhər
sakini Elçin Babayev müəyyən olunaraq saxlanılıb.
Araşdırma aparılır.