Bakı. Trend:
Bakı şəhərinin Sabunçu rayonunda yanğın baş verib.
Fövqəladə Hallar Nazirliyindən Trend-ə verilən məlumata görə, rayonda bir dam altında tikilən birmərtəbəli evlərdən ümumi sahəsi 60 m² olan 2 otaqlı evin yanar konstruksiyaları, ümumi sahəsi 100 m² olan 2 otaqlı evin 1 otağının yanar konstruksiyaları 25 m² sahədə və dam örtüyü 60 m² sahədə yanıb. Yüksək temperaturdan evin mətbəxinin lambirdən ibarət tavanı 15 m² sahədə əriyib.
Evin qalan hissəsi və bitişik evlər yanğından mühafizə olunub. Yanğın yanğından mühafizə bölmələri tərəfindən söndürülüb.