Ağdam. Trend:
Ağdam rayonunda ailə-məişət zəminində ağır cinayət hadisəsi baş verib.
Trend-in Qarabağ bürosu xəbər verir ki, hadisə rayonun Mahrızlı kəndində qeydə alınıb.
Belə ki, kənd sakini Salahov Ceyhun Ağali oğlu həyat yoldaşı Salahova Gülzəndə Abbas qızına balta ilə çoxsaylı xəsarətlər yetirib. Yaralı qadın təcili tibbi yardım briqadası tərəfindən xəstəxanaya çatdırılıb. Onun vəziyyəti ağır qiymətləndirilir.
Hadisə yerinə hüquq-mühafizə orqanlarının əməkdaşları cəlb olunub.
Faktla bağlı araşdırma aparılır.