Otaq milçəyi insanı qarın yatalağı və vərəmdən xilas edəcək

Azərbaycan, Bakı, 15 oktyabr /Trend/

ABŞ, Niderland, İsveçrə və Böyük Britaniyadan olan alimlər patogen xəstəliklərin, məsələn, qarın yatalağı və vərəm daşıyıcısı olan milçəklərlər birgə təhlükəsiz yaşamağın ilkin genetik şərtlərini öyrəniblər. Bu barədə Trend xəbər verir Lenta.ru saytına istinadən məlumat verir.

Alimləri həşəratın patogen şəraitdə insanın həyata uyğunlaşması üçün faydalı ola biləcək geni maraqlandırırdı. Alimlər öz tədqiqatlarının nəticələrini "Genome Biology" jurnalında dərc ediblər.

Onlar 6 dişi otaq milçəyinin genini ardıcıllıqla araşdırıblar.

Otaq milçəyi insana və heyvanlara qarın yatalağı, vərəm və helmintozlar da daxil olmaqla yüzdən çox xəstəlik keçiricisi olsa da, özü bu xəstəliklərə həssas deyil. Alimlər hesab edirlər ki, otaq milçəyinin geninin araşdırılması bu həşəratın insan üçün patogen olan xəstəliklərə yoluxmamasının səbəbini öyrənməyə imkan verəcək.

Mütəxəssislər güman edirlər ki, gələcəkdə biotexnologiyaların (həmçinin gen mühəndisliyinin) köməyi ilə elə orqanizmlərin və preparatların yaradılması mümkün olacaq ki, onlar insana, məsələn, qarın yatalağı və vərəm kimi ağır xəstəlikləri yüngül keçirməyə, hətta onlara yoluxmamağa kömək edəcək.