Bakı. Trend:
Pulsar və ekstraqalaktik radio partlamalarının tədqiqi çərçivəsində yeni radio pulsar kəşf edilib. Məlum olub ki, bu obyekt indiyə kimi aşkarlanan bütün radio pulsarlardan daha asta dövr edir.
Trend-in məlumatına görə, SUPERB layihəsi çərçivəsində Avstraliyanın Parks Rəsədxanasında aparılmış müşahidələr zamanı Mançester Universitetindən Vincent Morellonun başçılıq etdiyi astronomlar qrupu "PSR J2251-3711" adlandırılmış yeni çox uzun dövriyyə müddətinə malik radio pulsar aşkar edib.
Qeyd edək ki, pulsarlar çox sürətli dövr edən və maqnit qütblərindən güclü radiodalğaları yayan maqnitlənmiş neytron ulduzlardır.