Azərbaycan, Bərdə, 26 fevral / Trend , müxbir Ş.Cəliloğlu/
Ermənistan Silahlı Qüvvələrinin atəşkəsi pozması nəticəsində qoşunların təmas xəttində Azərbaycanın mülki vətəndaşı yaralanıb. Trend -un bölgə müxbirinin verdiyi məlumata görə, erməni hərbçiləri Ağdam rayonunun qoşunların təmas xəttində yerləşən Mirəşənli kəndində mal-qara otaran 39 yaşlı Asif Qabil oğlu Quliyevi silahla yaralayıblar.
Quliyev hazırda Ağdam rayon xəstəxanasına yerləşdirilib. Onun vəziyyəti barədə məlumat verilmir.
Ağdam paytaxt Bakıdan 400 kilometr məsafədə yerləşir.