Azərbaycan, Bakı, 2 iyun /Trend, müxbir K.Zərbalıyeva/
Ermənistan Silahlı Qüvvələrinin bölmələri Azərbaycan mövqelərini atəşə tutub.
Müdafiə Nazirliyinin mətbuat xidmətindən çərşənbə günü Trend-ə verilən məlumata görə, iyunun 1-də saat 12:00-dan 12:30-dək və 16:10-dan 16:25-dək Goranboy rayonunun Gülüstan kəndi yaxınlığında və adsız yüksəkliklərdə yerləşən mövqelərdən; iyunun 2-də saat 00:45-dən 01:00-dək və 00:55-dən 01:15-dək Füzuli rayonunun Qorqan kəndi yaxınlığında və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.
İtki yoxdur.