Azərbaycan, Bakı, 29 iyun /Trend, müxbir K. Zərbalıyeva/
Ermənistan silahlı qüvvələrinin bölmələri Azərbaycan mövqelərini bir neçə istiqamətdə atəşə tutub.
Müdafiə Nazirliyi mətbuat xidmətindən çərşənbə axşamı Trend-ə verilən məlumata görə, iyunun 28-də saat 10:30-dan 10:35-dək, saat 22:55-dən 23:15-dək, saat 23:35-dən 23:55-dək; iyunun 29-da saat 00:40-dan 00:55-dək, saat 02:40-dan 02:55-dək Füzuli rayonu ərazisindəki adsız yüksəkliklərdə, Aşağı Əbdülrəhmanlı, Qorqan, Horadiz və Aşağı Seyidəhmədli kəndləri yaxınlığında yerləşən mövqelərdən; saat 13:40-dan 14:25-dək, saat 19:50-dən 20:20-dək Goranboy rayonu ərazisindəki adsız yüksəkliklərdə, Gülüstan və Tapqaraqoyunlu kəndləri yaxınlığında yerləşən mövqelərdən; iyunun 28-də saat 17:30-dan 17:35-dək Xocavənd rayonu ərazisindəki adsız yüksəkliklərdə yerləşən mövqelərdən; saat 17:55-dən 18:00-dək, saat 23:45-dən 23:50-dək; iyunun 29-da saat 00:30-dan 00:40-dək Ağdam rayonunun Sarıcalı, Yusifcanlı və Qaraqaşlı kəndləri yaxınlığında yerləşən mövqelərdən; iyunun 28-də saat 23:45-dan 00:05-dək; iyunun 29-da saat 02:40-dan 03:00-dək Tərtər rayonu ərazisindəki adsız yüksəkliklərdə və Çiləburt kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.
İtki yoxdur.