Azərbaycan, Bakı, 31 avqust /Trend/
Ermənistan silahlı qüvvələrinin bölmələri avqustun 30-da saat 21:30-dan 21:35-dək Ermənistan Respublikası Berd rayonu ərazisindəki adsız yüksəkliklərdə yerləşən mövqelərdən Tovuz rayonu ərazisindəki adsız yüksəkliklərdə yerləşən mövqelərimizi;
- saat 22:50-dən 22:55-dək Ermənistan Respublikası Noyenberyan rayonu Voskepar kəndində yerləşən mövqelərdən Qazax rayonunun Aşağı Əskipara kəndində yerləşən mövqelərimizi;
- avqustun 31-də saat 01:15-dən 01:30-dək Tərtər rayonu Çaylı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu barədə Azərbaycan Respublikası Müdafiə Nazirliyinin mətbuat xidməti məlumat verib.
Bütün hallarda düşmən cavab atəşi ilə susdurulub. İtki yoxdur.