Azərbaycan, Bakı, 15 mart /Trend, müxbir M.Əliyev/
Ermənilər 9 yaşlı azərbaycanlı oğlanı qətlə yetirməklə bir daha təcavüzkar yolda olmalarını sübut ediblər. Trend-in məlumatına görə, bunu Milli Məclisin vitse-spikeri Bahar Parlamentin çərşənbə axşamı keçirilən iclasında çıxışı zamanı bildirib.
Muradova
Vitse-spiker ATƏT-in həmsədrlərinin Azərbaycanda olmasından istifadə edərək onlara müraciət edib.
"Nə qədər Ermənistan rəhbərliyinə diplomatik təbəssüm göstəriləcək, nə qədər bu kimi təcavüzkar addımlara loyal münasibət bəslənəcək?", - Muradova vurğulayıb.
Onun sözlərinə görə, ATƏT-in Minsk qrupunun həmsədrləri hər dəfə görüş zamanı diplomatik tərzdə Azərbaycan və Ermənistan tərəflərini etimad tədbirləri yaratmaq üçün addımlar
atmağa çağırırlar.
"Bundan sonra təcavüzkarlara necə etimad bəsləmək olar?", - Muradova deyib.
Ermənistan silahlı qüvvələrini atəşkəs rejimini pozması nəticəsində matrın 8-də saat 17-18 bradələrində Orta Qərvənd kəndinin 9 yaşlı sakini Fariz Arif oğlu Bədəlov öz evinin həyətində oynayan zaman Ermənistan qoşunlarının işğal etdikləri Şıxlar kəndi tərəfdən açılan atəşlə qətlə yetirilib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.