Azərbaycan, Bakı, 7 oktybar /Trend, müxbir K.Zərbalıyeva/
Azərbaycan Müdafiə Nazirliyi qoşunların təmas xəttində gərginliyin davam etdiyini açıqlayıb.
Nazirliyin mətbuat xidmətindən cümə günü Trend-ə bildiriblər ki, Ermənistan silahlı qüvvələrinin bölmələri oktyabrın 6-da saat 19.00-dan 19.25-dək Ermənistan Respublikasının Krasnoselsk rayonunun ərazisindəki adsız yüksəkliklərdə yerləşən mövqelərdən Gədəbəy rayonunun ərazisindəki adsız yüksəkliklərdə yerləşən mövqelərimizi atəşə tutublar.
Həmin gün, həmçinin Ermənistan Ordusu saat 21.30-dan 21.45-dək Xocavənd rayonunun Kuropatkino kəndi yaxınlığında yerləşən mövqelərdən, saat 23.15-dən 23.25-dək və 23.20-dən 23.25-dək Füzuli rayonunun ərazisindəki adsız yüksəkliklərdə, Qaraxanbəyli və Horadiz kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.
...