Azərbaycan, Bakı, 9 aprel /Trend, müxbir E.Mehdiyev/
ABŞ-ın nüfuzlu "The Washington Times" qəzetində ermənilərin Azərbaycan xalqına qarşı törətdikləri Xocalı soyqırımı haqqında məqalə dərc olunub.
Trend-in məlumatına görə, məqalədə qeyd olunur ki, Azərbaycanın Dağlıq Qarabağ ərazisində 1988-1994-cü illərdə gedən müharibə zamanı erməni və rus qoşunları Xocalıda yüzlərlə dinc azərbaycanlını, o cümlədən qadın və uşaqları vəhşiliklə qətlə yetirib.
Məqalədə, həmçinin Xocalı soyqırımının 20-ci ildönümünün Bakıda izdihamlı yürüşlə qeyd olunduğu vurğulanıb və Xocalı soyqırımının şahidlərinin fikirləri əks etdirilib.