Azərbaycan, Bakı, 6 iyun /Trend, müxbir E.Mehdiyev/
Kanada Federal Parlamentinin və hakim Mühafizəkarlar Patiyasının üzvü cənab Ed Holder parlamentin İcmalar Palatasının iclası zamanı Xocalı qətliamı ilə bağlı bəyanat səsləndirib.
Trend-in məlumatına görə, bəyanatda 20 il öncə Azərbaycan xalqına qarşı törədilən ən dəhşətli hadisənin - Xocalı qətliamının Kanadada xatırlandığı qeyd olunub.
Xatırladaq ki, 1992-ci il fevralın 26-da Ermənistan silahlı birləşmələrinin Xocalı şəhərinin yeddi minlik əhalisinə qarşı törətdiyi soyqırım aktı zamanı 613 soydaşımız, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, meyitlər üzərində təhqiredici hərəkətlərə yol verilib.