Azərbaycan, Bakı, 27 noyabr /Trend, müxbirlər V.Javoronkova, E.Tariverdiyeva/
Azərbaycan hər baxımdan Avropa İttifaqı (Aİ) üçün çox vacib ölkədir və Aİ münasibətləri inkişaf etdirmək üçün mümkün olan hər şeyi edir. Trend-in məlumatına görə, bu barədə çərşənbə axşamı jurnalistlərə Aİ-nin Cənubi Qafqaz məsələləri üzrə xüsusi nümayəndəsi Filip Lefort deyib.
Onun sözlərinə görə, səfərinin məqsədi Azərbaycan və Aİ arasında həll edilməyən məsələlərin, eləcə də Dağlıq Qarabağ münaqişəsinin nizamlanmasında Aİ-nin dəstəyinin müzakirə edilməsidir.
Lefor bildirib ki, o elə bu məqsədlə də Ermənistana səfər edəcək.
Xüsusi nümayəndə qeyd edib ki, Aİ Dağlıq Qarabağ münaqişəsinin nizamlanmasında ATƏT-in Minsk qrupunun səylərini dəstəkləyir.