Azərbaycan, Bakı, 9 avqust/Trend/
Moskva sabah Dağlıq Qarabağ münaqişəsi üzrə Rusiya, Azərbaycan və Ermənistan prezidentlərinin üçtərəfli görüşünün keçirilməsini istisna etmir. Trend-in şənbə günü RİA Novosti-yə istinadən verdiyi məlumata görə, bunu Rusiya prezidentinin mətbuat katibi Dmitri Peskov deyib.
D. Peskov bildirib: "Biz üçtərəfli görüşün bazar günü günorta saatlarında keçiriləcəyini istisna etmirik".
O qeyd edib ki, bu gün axşam saatlarında Rusiya, Azərbaycan və Ermənistan prezidentlərinin Soçidə sambo üzrə turnirə baş çəkəcəkləri gözlənilir.