...

Əyalət rəhbəri: Dağlıq Qarabağ münaqişəsi İran üçün də problemdir

Ermənistan-Azərbaycan münaqişəsi Materials 25 Noyabr 2014 10:28
"Biz təcavüzü dəstəkləmirik və arzumuz budur ki, Dağlıq Qarabağ azad olunsun".
Əyalət rəhbəri: Dağlıq Qarabağ münaqişəsi İran üçün də problemdir

Trend-i buradan izləyin

İran, Urmiya, 25 noyabr /Trend, müxbir Təmkin Cəfərov/

"Biz təcavüzü dəstəkləmirik və arzumuz budur ki, Dağlıq Qarabağ azad olunsun". Trend-in məlumatına görə, bunu İranın Qərbi Azərbaycan əyalətinin başçısı Qurbanəli Səadət bu ölkədə səfərdə olan azərbaycanlı jurnalistlərlə görüşündə deyib.

Q.Səadət bildirib ki, Ermənistan-Azərbaycan, Dağlıq Qarabağ münaqişəsi İran üçün də problemdir: "Bu vəziyyət bizi də narahat edir. Heç bir qonşu razı olmaz ki, iki qonşusu bir-biri ilə dava etsin. Azərbaycan və Ermənistan bu məsələni həll etməlidir. Təəssüflər olsun ki, bu proses uzanır. Bizim də hökumətimiz münaqişənin həlli istiqamətində əlindən nə gəlirsə, addım atmağa hazırdır. Xalqlar bir-biri ilə dostluqlarını, münasibətlərini pozmamalıdır. Bir acı tarixi keçmiş var. Bir sıra şəxslər insan cildində, insan layəqətinə sığmayan hərəkətlər edirlər, cinayətlər törədirlər. Onların bu hərəktlərinin izləri tarixdə qalır. Bir neçə illərdən sonra, gələcəkdə onların övladları yaxşı davranarlarsa, cinayət törətməyən insandan qisas almaq düzgün olmaz. Başqa sözlə, ataların törətdikləri əmələ görə, övladdan qisas almazlar".

O deyib: "Qərbi Azərbaycanda sünni olan kürdlər, məsihi olan ermənilər, assurilər, kəlimilərlə hazırda bir yerdə yaşayırıq. Bu xalqların bir-birinin yanında yaşamasında heç bir problem yoxdur, lakin dövlətlər öz siyasətlərini təyin edirlər".

Məqalədə:
Xəbər lenti

Xəbər lenti