Bakı. Samir Əli - Trend:
Ermənilərin cəbhəboyu ərazilərdə təxribat törətməsi nəticəsində Tərtərdə fərdi təsərrüfatlara da ciddi ziyan dəyib.
Tərtər rayon İcra Hakimiyyətindən Trend-ə verilən məlumata görə, erməni silahlı birləşmələrinin rayonun kəndlərini atəşə tutması nəticəsində şəxsi təsərrüfatlarda 11 baş iribuynuzlu, 103 baş xırdabuynuzlu heyvan tələf olub.
Bundan başqa, ermənilərin ağır artilleriya zərbələrindən rayon ərazisindəki şəxsi təsərrüfatlardan 6 at, 1000 başdan artıq ev quşu tələf olub.