Bakı. Səba Ağayeva - Trend:
ATƏT-in Minsk qrupunun həmsədrlərinin dəvəti əsasında dekabrın 8-də Almaniyanın Hamburq şəhərində gecə radələrində həmsədrlərin, Ermənistan və Azərbaycanın xarici işlər nazirlərinin birgə işçi şam yeməyi baş tutub.
Bunu Trend-ə Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev bildirib.
H.Hacıyevin sözlərinə görə, Hamburq görüşündən əvvəl Fransa xarici işlər nazirinin təklifi ondan ibarət idi ki, "2+3" formatında Hamburqda xarici işlər nazirləri səviyyəsində görüş keçirilsin:
"Təəssüf ki, Ermənistan tərəfinin destruktiv siyasəti və görüşlərdən qaçmaq siyasəti nəticəsində "2+3" formatında xarici işlər nazirləri səviyyəsində görüş baş tutmadı".
XİN rəsmisi əlavə edib ki, şam yeməyi əsnasında həmsədrlərlə növbəti il üçün danışıqlar prosesinin davam etdirilməsi və gündəlikdə duran məsələlər ətrafında fikri mübadiləsi aparılıb.
Trend-in ən mühüm və maraqlı xəbərlərini "Telegram"da izləyin
.jpg)
