...

Azərbaycan Dağlıq Qarabağ münaqişəsi ilə əlaqədar BMT-nin Baş katibinə məktub ünvanlayıb

Ermənistan-Azərbaycan münaqişəsi Materials 1 Noyabr 2017 17:31
Azərbaycanın BMT yanında Daimi Nümayəndəliyi Dağlıq Qarabağ münaqişəsi ilə əlaqədar BMT Baş katibinə məktub ünvanlayıb
Azərbaycan Dağlıq Qarabağ münaqişəsi ilə əlaqədar BMT-nin Baş katibinə məktub ünvanlayıb

Trend-i buradan izləyin

Bakı. Trend:

BMT Baş Assambleyasının 72-ci sessiyasının “Azərbaycanın işğal olunmuş ərazilərində vəziyyət”, “GUAM ərazisində həlli uzadılmış münaqişələr və onların beynəlxalq sülh, təhlükəsizlik və inkişafa təsiri”, “Milli və beynəlxalq səviyyədə qanunun aliliyi” və digər gündəlik mövzularına uyğun olaraq, Azərbaycanın BMT yanında Daimi Nümayəndəliyi tərəfindən BMT-nin Baş katibinə Ermənistan-Azərbaycan Dağlıq Qarabağ münaqişəsi ilə əlaqədar məktub ünvanlanıb.

Xarici İşlər Nazirliyindən Trend-ə verilən məlumata görə, məktubda Ermənistanın Azərbaycana qarşı təcavüz və işğalının nəticələri, Ermənistanın beynəlxalq hüquqi məsuliyyəti, münaqişə ilə əlaqədar BMT Təhlükəsizlik Şurası və digər beynəlxalq təşkilatların qəbul etdiyi qətnamə və qərarlar, münaqişənin humanitar və başqa aspektləri, işğal olunmuş ərazilərdə qeyri-qanuni əməllər və buna görə üçüncü tərəflərin məsuliyyəti və digər məsələlər müfəssəl şəkildə fundamental faktlarla izah olunub və bu xüsusda, Ermənistanın iddialarının əsassızlığı bir daha ifşa edilib.

Məktub A/72/508-S/2017/836 nömrələri ilə BMT Baş Assambleyası və Təhlükəsizlik Şurasının sənədləri kimi yayılıb.

Məqalədə:
Xəbər lenti

Xəbər lenti