Bakı. Nərgiz Sadıxova - Trend:
Ermənistan Azərbaycana irimiqyaslı müharibəni qəbul etdirmək üçün mümkün olan hər şeyi edir.
Bunu Trend-ə Pakistan Senatının üzvü Ənvər ül Hak Kakar deyib.
Ermənistanın Gəncə, Mingəçevir, Xızı və Abşerona raket zərbələrini şərh edən senator qeyd edib ki, bu hücumlar erməni aqressiyasının daha bir sübutudur:
“Biz bu hücumları pisləyirik və güc tətbiqinə qarşı çıxırıq. Ermənistan yalnız öz torpaqlarına olan qanuni hüquqlarını müdafiə etməyə çalışan Azərbaycanı irimiqyaslı müharibəyə cəlb edir”.
O əlavə edib ki, dünya ictimaiyyəti Ermənistanın aqressiyasının qarşısının alınması üçün tədbirlər görməli və regionda ədalətli sülhün bərqərar olmasında öz rolunu oynamalıdır.