Polşa Dağlıq Qarabağ münaqişəsinin həllini Azərbaycanın ərazi bütövlüyü əsasında dəstəkləyir
Azərbaycan,Bakı/müxbir Trend E.Hüseynov/Polşa Dağlıq Qarabağ münaqişəsinin həllini Azərbaycanın ərazi bütövlüyü əsasında dəstəkləyir. Bu barədə bü gün Polşa XİN rəhbəri Anna Fotıqa Azərbaycanın Xarici İşlər Nazirliyində keçirilən danışıqların yekununa həsr olunmuş brifinqdə bəyan edib.
Onun sözlərinə görə, Polşa ATƏT-in Minsk qrupunun fəaliyyətini dəstəkləyir. İsrədik ki, Dağlıq Qarabağ münaqişəsi sülh yolu, tezliklə müvəffəqiyyətlə və beynəlxalq hüquq çərçivsəində həll olunsun.
Qeyd edək ki, Cənubi Qafqaz regionuna səfəri ərəfəsində Anna Fotıqa Trend ə eksklüziv müsahibəsində bəyan edib ki, Cənubi Qafqaz regionunda "dondurulmuş münaqişələr", həmçinin Dağlıq Qarabağ münaqişəsi mövcud olan dövlətlərin ərazi bütövlüyünə hörmətlə yanaşmaqla, sülh yolu ilə həll olunmalıdır. A.Fotıqa Ermənistanda səfərdə olarkən Ermənistanın "PanARMENIAN" agentliyi Polşa XİN rəhbərinin münaqişələrin ərazi bütövlüyü çərçivəsində həll olunması ilə bağlı bu bəyanatını təkzib etdiyi barədə məlumat yaymışdır.
