Azərbaycan, Bakı / Trend müxbir E.Hüseynli/ Ermənistan Silahlı Qüvvələrinin bölmələri dünən saat 13.40-dan 14.15-dək Füzuli rayonunun Qorqan kəndinin cənub-şərqində yerləşən mövqelərindən Azərbaycan Silahlı Qüvvələrinin üzbəüz mövqelərini avtomat silahlardan atəşə tutub. Bu barədə cümə günü Müdafiə Nazirliyinin mətbuat xidmətindən məlumat verilib.
Məlumata görə, düşmən cavab atəşi ilə susdurulub və itki yoxdur.
Füzuli rayonu paytaxt Bakıdan 320 kilometr aralıda yerləşir.