Azərbaycan, Bakı / Trend müxbir E.Hüseynli/ ATƏT Parlament Assambleyasının (PA) sessiyasında quruma üzv ölkələrdə münaqişələrin həllinə dair qəbul olunan qətnamədə Azərbaycana aid xüsusi bəndlər salınıb. Bu barədə çərşənbə günü Trend ə açıqlamasında Azərbaycanın ATƏT PA-dakı nümayəndə heyətinin üzvü, millət vəkili Azay Quliyev məlumat verib.
Quliyev bildirib ki, qətnamənin bəndlərində Azərbaycanda mövcud olan Dağlıq Qarabağ münaqişəsinin ərazi bütövlüyü, sərhədlərin dəyişdirilməməsi və suverenlik çərçivəsində həll olunması qeyd olunub. Qətnamədə, həmçinin göstərilib ki, Dağlıq Qarabağ münaqişəsi BMT-nin qəbul etdiyi qətnamələr çərçivəsində həllini tapmalıdır və Kosova modeli digər münaqişələr kimi Dağlıq Qarabağa da şamil edilə bilməz.
Quliyev deyib ki, sessiyadaErmənistan nümayəndə heyətinin münaqişələrin həlli ilə bağlı qətnamədə Azərbaycanın adının, sərhədlərin dəyişdirilməməsi prinsipinin çıxarılması və Dağlıq Qarabağın erməni icmasının danışıqlara cəlb edilməsi kimi təklifləri qəbul edilməyib.
Millət vəkili hesab edir ki, bu qətnamə ATƏT PA-nın prezidenti, Dağlıq Qarabağ üzrə məruzəçi Qoren Lenmarkerin məruzəsinin hazırlanmasında hüquqi baza olacaq.
ATƏT PA-nın növbəti sessiyası gələn ilin iyulunda Qazaxıstanın Astana şəhərində keçiriləcək.
ATƏT PA-nın sessiyası iyulun 4-9-da Kiyevdə keçirilib,