Azərbaycan, Bakı, 06 fevral/ Trend , müxbir C.Babayeva/ Azərbaycanın 18 müxalifət partiyası bu gün, fikir ayrılıqları ilə əlaqədar olaraq, yeni "Demokratik seçkilər" Mərkəzinin Əsasnaməsinin qəbulunu təxirə salıblar.
"Bloka daxil olan 18 partiyanın hamısı əməkdaşlıq haqqında sazişi imzalasalar da, Mərkəzin iclaslarında iştirak etməyiblər",- deyə "Azadlıq" partiyasının sədri Əhməd Oruc çərşənbə günü Trend -ə bildirib.
Ötən ilin dekabrında Azərbaycanın 18 - dən çox müxalifət partiyası əməkdaşlıq haqqında saziş imzalayıblar. Bunlar "Bizim Azərbaycan" blokuna daxil olan səkkiz partiya, KAXCP, Sosial-Demokrat, Vətəndaş Həmrəyliyi, Böyük Quruluş, "Azadlıq", Milli-Demokrat, "Ədalət", "Ümid", "Azərbaycan Yolu" siyasi hərəkatı və başqa partiyalardır.
18 partiyadan səkkizi - KAXCP, "Azadlıq", Milli-demokrat, Açıq Cəmiyyət, Böyük Azərbaycan, Vahid Xalq Cəbhəsi, "Təkamül" və Yaşıllar partiyası "Demokratik seçkilər" Mərkəzinin yaradılması haqqında qərar qəbul ediblər.
Orucun sözlərinə görə, fikir ayrılıqları "Bizim Azərbaycan" müxalifət blokuna daxil olan partiyalarla bağlıdır.
Onun sözlərinə görə, Mərkəzin Əsasnaməsinin qəbul ediləcəyiNİN gözlənildiyi bu günkü iclasında KAXCP, "Azadlıq", Milli-demokrat, Açıq Cəmiyyət, Böyük Azərbaycan, Vahid Xalq Cəbhəsi, "Təkamül" və Yaşıllar partiyası iştirak ediblər.
"Azadlıq"-ın sədri Əsasnamənin növbəti həftədə qəbul ediləcəyinin gözlənildiyini bildirib. Gələn həftə "Demokratik seçkilər" Mərkəzi müxalifət partiyaları və beynəlxalq təşkilatların nümayəndələrinin iştirakı ilə ölkədəki seçkiqabağı vəziyyət mövzusunda dəyirmi masa keçirəcək.