Azərbaycanın siyasi qüvvələri birgə mitinq keçirə bilərlər
Azərbaycan, Bakı, 12 fevral/ Trend , müxbir C.Babayeva/ Xocalı hadisələrinin il dönümü Azərbaycanın müxalifət qüvvələrinin birgə mitinq keçirməsinə səbəb ola bilər.
Dünən, aparıcı müxalifət partiyalarından biri olan "Müsavat"-ın Divanının növbəti iclasında Azərbaycanın bütün siyasi qüvvələrini Xocalı faicəsi günü birgə mitinq keçirməyə çağırmaq haqqında qərar qəbul edilib.
1992-ci il fevralın 25-dən 26-a keçən gecə Ermənistanın Silahlı Qüvvələri hər tərəfdən Xocalı şəhərini mühasirəyə alıb və müxtəlif odlu silahlardan fasiləsiz atəşə tutublar. Xocalı faciəsində həlak olan 613 nəfərdən 106-sı qadın, 63-ü uşaq, 70-i yaşlı insandır. Səkkiz ailə tamamilə məhv edilib, 25 uşaq hər iki valideynini, 130-u onlardan birini itirib, 487 nəfər yaralanıb, 150 nəfər itkin düşüb.
"Azadlıq" müxalifət partiyasının sədri Əhməd Oruc çərşənbə axşamı Trend , -ə "Müsavat"- partiyasının təşəbbüsünü dəstəklədiyini və "Azadlıq" meydanında nümayiş keçirilməsini mümkün hesab etdiyini bildirib.
Orucun sözlərinə görə, həmtəsisçisinin Oruc olduğu müxalif "Demokratiya naminə ittifaq" Azərbaycanın bütün siyasi qüvvələri ilə əməkdaşlıq etməyə hazırdır.
Müxalif "Demokratiya naminə ittifaq"-da Klassik Xalq Cəbhəsi, "Azadlıq" və Milli-Demokrat partiyası təmsil olunublar.
Azərbaycanın hakim partiyası bu aksiyalarda iştirak etməkdən imtina edib və Xocalı faciəsi ilə bağlı Azərbaycandan kənarda tədbirlərin keçirilməsinin məqsədəuyğun olduğunu bildirib.
Məqalə müəllifi ilə əlaqə üçün ünvan: [email protected]
