Azərbaycan, Bakı, 21 fevral / Trend , müxbir K.Zərbalıyeva/ Sərnişin nəqliyyatında oğurluq və cibgirlik faktlarının sayı azalıb.
Bu barədə cümə axşamı Balı Şəhər Baş Polis İdarəsinin Dövlət Yol Polisi İdarəsinin şöbə rəisi Vaqif Əsədov keçirdiyi mətbuat konfransında məlumat verib.
Əsədov bildirib ki, bu faktların azalmasının səbəbi oturacaq yerlərinin sayından artıq sərnişinlərin daşınması ilə mübarizənin gücləndirilməsidir. Şöbə rəisinin szölərinə görə, fevralın 10-dan başlayan "Nümunəvi sürücü-nümunəvi marşurut uğrunda" devizi altında həyata keçirilən tədbirlər nəticəsində paytaxtda 203, 248, 338, 242, 1, 142, 165, 94, 57, 226,11,27 saylı marşrut avtobuslarında mobil telefon, pul, kredit kartlarının oğurlanması ilə bağlı, Dövlət Yol Polisi əməkdaşları tərəfindən 16 fakt aşakar olunub və tədbir görülməsi üçün müvafiq polis idarələrinə məlumat verilib.
Polis rəsmisi ildirib ki, təhlükəsizlik aylığının davam etdiyi 10 gün ərzində sərnişindaşıma ilə məşğul olan sürücülər tərəfindən 1138 fakt aşkarlanıb. Onlardan 51-i avtobusların sürücülük vəsiqəsi, 5-i müvafiq kateqoriya olmadan idarə edilməsi, 636 fakt ayaq üstə sərnişin daşınması, 443-ü isə, dayanma-durma qaydalarının pozulması ilə bağlıdır.
Aylığın birinci ongünlüyü ərzində sərnişindaşımada 20 yol qəzası nəticəsində 3 nəfər ölüb, 25 nəfər yaralanıb.
Təhlükəsizlik aylığı martın 10-dək davam edəcək.
