Azərbaycan, Bakı, 26 fevral / " , müxbir S.Ağayeva/ GUAM dövlətləri - Gürcüstan, Ukrayna, Azərbaycan və Moldova ərazilərində mövcud olan münaqişələrin nizamlanması üzrə prinsipial əsaslar Bakıda müzakirə olunacaq.
Kiyevdəki Təşkilat Katibliyindən çərşənbə axşamı verilən məlumata görə, beynəlxalq konfrans aprelin 15-16-da "Demokratiya və iqtisadi inkişaf naminə təşkilat - GUAM"ın himayəsi altında Bakıda keçiriləcək.
GUAM ölkələri ərazilərində (Azərbaycanda Dağlıq Qarabağ, Gürcüstanda Abxaziya və Çxinvali və Moldovada Dnestryanı) SSRİ dövründən bu dövlətlərdən ayrılmaq istyən etnik qrupların separatçı əhval-ruhiyyələri qalmaqdadır.
GUAM ölkələri 2007-ci ildə BMT Baş Assambleyasına "dondurulmuş munaqişələr" barədə qətnamə layihəsi təqdim edib. "Dördlük" burada uzadılan münaqişələrin regionda sülh və stabilliyə təhlükə yaratmaqda davam etdiyni qeyd edir, millətləri dövlətlərin ərazi bütövlüyünü təsdiq etməyə, dövlət və beynəlxalq təşkilatları GUAM məkanında münaqişələrin nizamlanması prosesinə yardım göstərməyə çağırır.
GUAM-ın formatı 1997-ci ildə Strasburqda Avropa İttifaqı dövlət başçılarının Sammiti zamanı postsovet dövlətləri tərəfindən yaradılıb. 1999-cu ildə bu formata Özbəkistan da daxil olsa da, dörd ildən sonra təşkilatı tərk edib. 2006-cı ildə Kiyevdə ilk sammit zamanı GUAM-ın beynəlxalq təşkilat və "Demokratiya və iqtisadi inkişaf naminə təşkilat- GUAM" kimi elan olunması haqda qərar qəbul olunub.
Qarşıda duran konfransda GUAM ölkələrinin rəsmi nümayəndələri, beynəlxalq konfliktoloqların iştirakı gözlənilir.
