Azərbaycan, Bakı, 13 mart / Trend , müxbir K.Ramazanova/ Britaniya diplomatı, Avropa Komissiyasının Bakıdakı xüsusi nümayəndəsi bu qurumun Azərbaycandakı səfiri təyin olunub. Bu barədə cümə axşamı Trend a Avropa Komissiyasının fevralın 4-də rəsmi açılışı olan Bakı ofisindən məlumat verilib.
Bu gün Alan Vaddams Avropa Komissiyasının Azərbaycandakı nümayəndəliyinin rəhbəri kimi Bakıya gələcək.
Qrumun yeni ofisinin açılması ilə əlaqədar 2002-ci ildən Azərbaycanda fəaliyyət göstərən və Azərbaycan ilə Avropa Birliyi arasında əlaqələri uzlaşdıran "Europe House" aprel ayının sonunda fəaliyyətini başa çatdıracaq.
Avropa Komissiyasının Azərbaycandakı nümayəndəliyi ticari-iqtisadi layihələr üzərində işləyəcək.