Azərbaycan, Bakı, 19 mart/ Trend , müxbir İ.Əlizadə/Azərbaycan Parlamenti Əmək Məcəlləsinə dəyişiklik edəcək. "Əmək Məcəlləsində müəyyən boşluqlar var. Ona görə də sənədə 100-dən artıq dəyişiklik edilməsi nəzərdə tutulub" - deyə çərşənbə günü Trend a açıqlamasında Azərbaycan Parlamentinin Sosial siyasət daimi komissiyasının sədri Hadı Rəcəbli bildirib.
Komissiya sədri qeyd ki, Əmək Məcəlləsinin monitorinqini aparmaq üçün Milli Məclis, Əmək və Əhalinin Sosial Müdafiəsi Nazirliyi və Sosial Müdafiə Fondunun nümayəndələrindən ibarət İşçi qrup yaradılıb.
"İşçi qrup monitorinqini davam etdirir. Monitorinq başa çatandan sonra Məcəllədə hansı dəyişikliklərin ediləcəyi tam dəqiqləşəcək və bununla bağlı layihə hazırlanacaq" - deyə Rəcəbli bildirib.
Komissiya sədrinin sözlərinə görə, aprel ayında Əmək Məcəlləsinə ediləcək dəyişikliklərin əks olunduğu layihə Parlamentə təqdim olunacaq.
