Azərbaycan, Bakı, 30 mart / Trend , müxbir S.Ağayeva / Azərbaycanın xarici siyasət, təhlükəsizlik və inkişaf problemləri Kanadanın Toronto Universitetində müzakirə olunub.
Konfrans Azərbaycanın Kanadadakı səfirliyinin dəstəyilə Universitetin Avropa, Rusiya və Avroasiya Araşdırmaları Mərkəzi (ARAAM) tərəfindən təşkil olunub. Bu barədə bazar günü səfirlikdən məlumat verilib.
Konfransda Azərbaycanın ABŞ-dakı səfiri Yaşar Əliyev, Azərbaycanın Kanadada müvəqqəti işlər müvəkkili Fərid Şərifov, tanınmış amerikalı jurnalist, "Azərbaycan gündəliyi" kitabının müəllifi Tomas Holts, Toronto Universitetinin professoru Taras Kuzio, Kanadanın Azərbaycan Təşkilatlarının Assambleyasının nümayəndəsi Aslan Amani Azərbaycanın xarici siyasətinin üstünlükləri, energetika və təhlükəsizlik sahəsində ABŞ və Azərbaycanın əməkdaşlığı, GUAM ölkələrinin Transatlantik əməkdaşlığı problemləri və Azərbaycanda siyasi mədəniyyətin və fəlsəfənin inkişafı haqqında çıxışlar edib.