Azərbaycan, Bakı, 11 aprel / Trend / Azərbaycan prezidenti İlham Əliyev cümə günü Prezident sarayında Türkiyə Baş nazirinin müavini, dövlət naziri Cəmil Çiçəyi qəbul edib.
Görüşdə Azərbaycanla Türkiyə arasında dostluq və qardaşlıq münasibətlərinin bütün sahələrdə uğurla inkişaf etdiyi vurğulanıb. İkitərəfli münasibətlərin daha da genişlənməsində qarşılıqlı səfərlərin mühüm əhəmiyyət daşıdığı bildirilib və indiki səfərin də əlaqələrin inkişaf etdirilməsinə töhfə verəcəyinə əminlik ifadə olunub.