Azərbaycan, Bakı, 21 aprel / Trend / Azərbaycan prezidenti İlham Əliyev aprelin 21-də Prezident sarayında Rusiya Federasiyasının Kalmıkiya Respublikasının prezidenti, FİDE-nin prezidenti Kirsan İlyumjinovu qəbul edib.
Görüşdə ümummilli lider Heydər Əliyevin anadan olmasının 85 illiyinə həsr olunmuş FİDE-nin Qran-pri turnirinin ölkəmizdə keçirilməsi Azərbaycanda şahmatın daha da inkişaf etdirilməsinə öz töhfəsini verəcəyi vurğulanıb.
İlyumjinov Qran-pri turnirinin əhəmiyyətini qeyd edib və tədbirin yüksək səviyyədə təşkil olunduğunu bildirib. Qonaq Azərbaycanda idmanın bütün sahələrinin, o cümlədən şahmatın inkişafına yüksək dövlət qayğısı göstərildiyini vurğulayıb.