Azərbaycan, Bakı, 01 may / Trend , müxbir S.İlhamqızı/ ABŞ səfirliyi bu ilin oktyabrında Azərbaycanda keçiriləcək prezident seçkisində "exit-poll" və səslərin paralel sayılmasını həyata keçirəcək. Bu barədə ABŞ-ın Azərbaycandakı səfiri Enn Dersi jurnalistlərə açıqlamasında bildirib.
"Exit poll"dan başqa, səslərin paralel sayılmasının yeni sistemindən istifadə olunacaq"-deyə səfir bildirib.
ABŞ hökuməti həmçinin Azərbaycanda prezident seçkisi prosesinə, seçkidə demokratikliyin təmin olunması işinə 3 milyon dollar vəsait ayırıb.
Azərbaycan Mərkəzi Seçki Komissiyasının sədri Məzahir Pənahov KİV-ə açıqlamasında bildirmişdi ki, istənilən beynəlxalq və yerli qurumlar seçkidə "exit-poll"lar təşkil edə bilər.
Müəlliflə əlaqə saxlamaq üçün elektron ünvan - [email protected]