Azərbaycan, Bakı, 16 may / Trend , müxbir M.Əliyev/ Əfqanıstan hökuməti Azərbaycan şirkətlərini Kabildə şəhərətrafı yaşayış məntəqələrinin tikintisində iştirak etməyə dəvət edib. Bu barədə Trend a cümə günü telefonla İslamabaddan Azərbaycanın Pakistandakı səfirliyinin iqtisadiyyat şöbəsinin rəhbəri Sabir Rzayev məlumat verib.
Rzayevin sözlərinə görə, Azərbaycan hökuməti Kabildə dağılmış infrastrukturun bərpa edilməsində iştirak etməkdə maraqlı olan özəl şirkətlərə Əfqanıstanın təklifini çatdırıb.
Ötən il Azərbaycan və Əfqanıstan arasında ticarət dövriyyəsi 30 mln. dollar təşkil edib.
Azərbaycan Əfqanıstanda daimi diplomatik nümayəndəsini 2008-ci il mayın 9-da təyin edib.
Müəlliflə əlaqə saxlamaq üçün elektron ünvan : trend
