Azərbaycan, Bakı, 29 may/ Trend , müxbir E.Babayev/ Müxalif Azərbaycan Demokrat Partiyası (ADP) yeni blok yaratmaq istiqamətində müxalifət partiyaları ilə danışıqlara başlayıb. "Bizə ideoloji baxımdan yaxın olan partiyalar bu qurumda təmsil olunacaq" - cümə axşamı Trend a ADP sədrinin müavini Taliyət Əliyev bildirib.
" Trend un arayışı: Azərbaycanda prezident seçkisi oktyabrın 15-də keçiriləcək. İndiyə qədər Müsavat Partityasının başqanı İsa Qəmbərin, ADP sədri Sərdar Cəlaloğlunun, Yaşıllar Partiyasının sədri Mais Güləliyevin namizədliyi təmsil olunduqları partiyalar tərəfindən irəli sürülüb. Bundan başqa, Azərbaycan Naminə İctimai Forumun rəhbəri Eldar Namazov müstəqil şəkildə namizədliyini irəli sürüb. Hakim Yeni Azərbaycan Partiyası hazırki dövlət başçısı İlham Əliyevin namizədliyini irəli sürmək niyyətindədir. Üç müxalifət partiyasının (Xalq Cəbhəsi, Vətəndaş və İnkişaf, Liberal) təmsil olunduğu "Azadlıq" bloku isə, seçkiləri boykot etmək niyyətindədir.
Əliyev deiyb ki, ADP "beşlər" formatının (Müsavat, Demokrat, Tərəqqi, Milli İstiqlal partiyaları və Azərbaycan Naminə İctimai Forum) seçkiyə vahid komanda şəklində getmək imkanında olmadığı qənaətinə gəlib. "Bizim partiya öz namizədi ilə seçkiyə gedir. n Müsavat da başqa bir namizədə güzəştə getmək niyyətində deyil. Ona görə də biz başqa partiyalarla danışıqlar aparırıq. Həmin partiyaların adını indidən açıqlamaq istəmirik, çünki bu, aparılan danışıqlara zərər vura bilər" - deyə Əliyev bildirib.
Sağ təmayüllü partiya olan ADP 1991-ci ildə Sərdar Cəlaloğlu tərəfindən təsis edilib. Partiya bu ilin yanvarınadək iqtidara qarşı radikal müxalif mövqedə olub. Yanvarda ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz olaraq, keçmiş sədr Rəsul Quliyev və tərəfdarları ADP-dən imtina edərək, özlərinin Açıq Cəmiyyət Pariyasını yaradıblar
Məqalə müəllifi ilə əlaqə ünvanı: [email protected]
