Azərbaycan, Bakı, 18 iyun / Trend , müxbir S.İlhamqızı/ Ankara Baş Prokurorluğu Türkiyə prezidenti Abdulla Gülün barəsində qaldırılmış "mənimsənilmiş trilyon" iddiası ilə əlaqədar araşdırma aparılmasına ehtiyac olmadığı qərarına gəlib. Prokuror Kürşat Kayral tərəfindən aparılan təhqiqatın sonunda Gülün məsuliyyətə cəlb olunması üçün hüququ əsasların olmadığı qənaətinə gəlinib.
Gül Rifah Partiyasının rəhbərliyində təmsil olunarkən, partiyada bir trilyon lirə məbləğində pulun mənimsənilməsi ilə əlaqədar məhkəmədə iddia qaldırılıb, bu prosesdə bir sıra şəxslərin, o cümlədən Gülün fdı hallandırılıb.
Türkiyənin Konstitusiya Məhkəməsi məsələ ilə əlaqədar Gül haqqında araşdırma aparılmasına dair qərar qəbul etmişdi.
Ankara Prokurorluğunun dünən çıxardığı qərarda göstərilir ki, prezident olmazdan əvvəl işlədiyi şəxsi günahları üzündən şəxsin məsuliyyətə cəlb olunmasına dair Konstitusiyada maddə yoxdur. Həmçinin bildirilir ki, demokratik cəmiyyətlərdə prezidentin toxunulmazlığını nəzərdə tutuan imtiyazlar var. Türkiyədə də Gül prezident olduğu üçün istintaqa və cinayət təqibinə cəlb oluna bilməz.
Məqalə müəllifi ilə əlaqə saxlamaq üçün elektron ünvan [email protected]
