İran, Tehran, 31 iyul / " R.Azadbəxş , T.Cəfərov / İran prezidentinin hakim partiyanın dövləti tənqid edən qanadından iki nüməyəndəni nazir vəzifəsinə təqdim etməsi, hakim koalisiyanı birləşdirib, onun tam dəstəyini qazanmaq məqsədi daşıyır. "Əhmədinejad nazir vəzifələrinə təqdim etdiyi yeni namizədlərlə hakim koalisiyanı öz maraqları istiqamətində birləşdirmək istəyir" - deyə, Iran politoloqu Əhməd Rəzəvian Trend -a bildirib.
İran prezidenti Mahmud Əhmədinejad iqtisadiyyat, daxili işlər və nəqliyyat nazirləri vəzifələrinə öz namizədlərininin siyahısını Parlamentə təqdim edib. BBC-nin iyulun 30 - da yaydığı məlumata əsasən, daxili işlər nazirliyinə namizəd Əli Kordan və nəqliyyat nazirliyinə namizəd Həmid Behbəhani hakim "Üsulgəra" koaliasiyasının hakimiyyəti tənqid edən qanadına yaxın şəxslərdirlər. İqtisadiyyat nazirliyinə digər namizəd Şəmsəddin Hüseyni isə, koaliasiyanın hakimiyyəti dəstəkləyən digər cinahına yaxın şəxsdir.
Rəzəvianın fikrincə, Kordan İran Ali İslam Şurası Məclisinin sədri Əli Laricaniyə yaxın şəxsdir və Əhmədinejad onun namizədliyini parlamentə təqdim etməklə, Məclisin dəstəyinə və ondan müsbət rəy alacağına əmin olmaq istəyib. Kordan hazırda İranın neft nazirinin müavini vəzifəsində işləyir. O, bundan əvvəl İranın Dövlət Televiziyasında texniki şöbənin sədri və həmçinin, Dövlət Televiziyasının İran parlamentindəki maliyyə nümayəndəsi vəzifələrində çalışıb.
İranın Dövlət Büdcəsi Proqramı Təşkilatının sabiq məsləhtçisi Əli Siyasəti Kordanın namizədliyini "Üsulgəra" koalisiyasının iki cinahının birləşmə cəhdi kimi dəyərləndirib. Əhmədinejadın bu hərəkəti ənənəvi "Üsulgəra" koalisiyasının onu tənqid etdikləri bir şəraitdə hakimiyyət üçün son dərəcə vacibdir , - deyə Siyasəti Trend -a bildirib. Onun fikrincə, Əhmədinejadın bu addımı şəxsi maraqdan çox, siyasi təyinatdır.
Hakim koaliasiya hazırda iki cinahdan təşkil olunub; Əhmədinejadı tam dəstəkləyən İslam İnqilabı Keşikçiləri Korpusu (Sepah) tərəfindən dəstəklənən radikal və ənənəçi ruhanilərin dəstəklədiyi, prezidenti tənqid edən mühafizəkar cinahlar. 2009 - cu ildə İranda prezident seçkiləri keçiriləcək və bu seçkilərdə hakim koaliasiyasının Əhmədinejadı dəstəkləyəcəyi ehtimalı azdır. Əhmədinejadın prezidentlik dövründə iqtisadi baxımdan ölkə böyük problemlərlə üzləşib, inflyasiya 21%-i keçib.
Rəzəvian hesab edir ki, Əhmədinejadın bu addımı növbəti prezident seçkilərinə təsir etmək niyyəti daşıyır. " O, qarşıdan gələn prezident seçkiləri öncəsi "Üsulgəra" koalisiyasının ənənəçi qanadından olan bir şəxsi daxili işlər naziri vəzifəsinə təyin etmək istəyir və çalışır ki, "Üsulgəra" koalisiyasınının Əhmədinejadı dəstəkləyən (radikal) cinahın, mühafizəkar ənənəvi cinaha yaxınlığını göstərsin" - deyə, Rəzəviyan bildirib.
Hər iki politoloqun fikrincə, Itisadi Dəyişiklər Qrupunun katibi vəzifəsində xidmət etmiş Seyid Şəmsəddin Hüseyninin iqtisadiyyat naziri vəzifəsinə təyin olunması üçün parlamentə təqdim olunması daha qalmaqallı olacaq. Belə ki, İran prezidentinin ən böyük problemi ölkədəki iqtisadi gərginlikdir. Hüseyni Əhmədinejadın tam təsiri altındadır və prezidentin istənilən planını həyata keçirə bilər.
"Parlamentin nüfuzlu nümayəndələri hesab olunan Əhməd Təvəkküli, "Üsulgəra"-nın mühafizəkar cinahından olan İlyas Naderan və bəzi islahatçı deputatların parlamentdə olması Hüseyninin nazir vəzifəsinə seçilməsinə mane ola bilər" - deyə, Siyasəti hesab edir.
Onun fikrincə, nəqliyyat naziri vəzifəsinə təklif olunan Behbəhaniyə gəldikdə isə, demək lazımdır ki, Behbəhani prezidentə yaxın (universitetdə müəllimi) olduğu üçün bu vəzifəyə təklif olunub.
Əhmədinejadın üçillik prezidentlik dövründə 11 nazir və yüksəkvəzifəli şəxs işdən uzaqlaşdırılıb. Hakim koalisiyasın ənənəçi qanadını təşkil edən və parlamentdə azlıq təşkil edən islahatçı qüvvələr bu dəyişiklikləri dəfələrlə tənqid ediblər. Bu halda, parlamentin bu üç yeni namizədin lehinə səs verməsi qalmaqalla müşayiət oluna bilər.
Müəlliflə əlaqə saxlamaq üçün elektron ünvan [email protected]